(مجلة كل الخواطر) غيره _ للشاعرالكبيرالمبدع / حمدي صالح

( غيرة ).
تعرفي
انا الشرقي علي انثاي بغير
شوفت ابويا ازاي بيغير علي امي
ويحبها 
ولا حب قيس لليلي 
بس كلمة بحبك 
عمره ما قال لها
علمونا ان كلمة حب عيب
علمونا ان الحب ضعف 
وبعترف لك و بعلو صوتي 
للدنيا بقولها
بحبك
ومنها ابدا مش ها اتكسف
حتي لو قالو ضعيف
بس غيرتي عليك 
نار في الجينات
اب عن جد وارثها 
بتحرق 
بركان خارج سيطرة
وانا طفلك وانت الذكاء
وانت الحنان 
خدي منها خطوة لورا
ودليليني واحتويني
و بعقل احضني غيرتي عليك
ياحبيبتي وافهميني
زي امي
حمدي صالح