( مجلة كل الخواطر ) الخير للغير "" بقلم شاعر الروائع المبدع / عبدالله السايح

…… ...(الخير للغير)……… ..
لوكان الكل في واحد
يبقى الناس للناس ع الخير 
فاكرستي وستك
كانوا بيحكوا ويقولوا إيه
قدم يا ابني الخير للناس 
أصل الباقي الخير للغير 
أصل الخير للغير آيه
إسبق يا ابني واعطي كتير
واياك تندم واياك تبخل 
عن تقديمه فى لحظة سير
فاكرولا'نسيت يا جميل
أنا سامع صوتها في المواويل
دايما إسبق واعطي السبت
تلقى الأحد اللي بيعطيك
وان كنت بصحة وعافية اليوم
بكرة تكون للضعف شريك
قالتها خالتك ست الدار
بعت ما تعبت م المشوار
قصدها يعني تنصح جيلنا
أصل زمانها كله انهار
إوعى تفكر وتقول جاهلة
شوف تجاربهم في الأشعار
أمثال قديمه لها معنى 
وكلام كبير للبعض شعار
واهتف دايما فى ودن وﻻدك
وارمي كويس رمي النار
ورث لهم الخيرللغير
أحسن ورث يا ابو الأفكار
بيه هيبنوا بيه هيعلوا
بيه تترجم الأقدار
إصحى وفوق لي وشد ودانك
وانسى شويه تأذي الجار
وإنت بحبة إنفلونزا
تعمل عيشة تدق الزار 
أول من هيقول لك مالك
جارك اللي بسببك جار
هينسى الذل وينسى المر
ويطلب خيرك م الأقدار
وان مت وسبت وﻻدك
لسه صغار
هيلقوا الخيراللي إنت عطيته
وسيبته أمانه عند الجار
هيربيهم وهيرعاهم
ويقول والله زمان غدار 
خطف الراجل من أوﻻده
والله جمايله بالمشوار
أما إن كنت زي ما كنت هيقولوا
بركه يا جامع خلت الدار
أما راجل كان وكان
بركه يا راجل إنه غار
…… .(شعر)……… 
عبدالله السايح