( مجلة كل الخواطر ) مستحيل تاني أحايلك " بقلم الشاعر المبدع / حسن الشوان

.................................مستحيل تاني أحايلك ...............
............................................................................
مستحيل تاني أحايلك
انا تعبت مـــن عمايلك
قبل كده كتير سامحتك
وقلت أخر مرة وصالحتك
لكن المرادي غير اللي فات
أتماديت فيها بلوع وحكايات
وتبعتلي مراســـيلك
عشان تاني أجيلك
طيب متجيش أنت ليه
وهو انـا عملت لك ايه
انت اللي قاسيت عليا
وخليت حياتي ألم
وماشتكيت باللي فيا
وجوايا قلبي في ندم
وكام مرة حسيت بيا
وقلبي من حنانك إتحرم
ما حاسبتش نفسك مــره
وأنت بتزيد في عندك
ولا عملت حساب العشره
عايز الحياه لوحـــدك
الحلو ليك والمــر ليا
ليك قمرك وشمسك
واهم حاجه نفـــسك
وما يفرقش معاك إلا بالك
وما يفرقش معاك الإختيار
طيب يا سيدي روح لحالك
خلاص أنا أخدت القــرار
ميكونش ليك معايا حوار
أو حتي أقولك سماح
كفاية عمري اللي راح
كفاية ليالي الجراح
واللي عشته وياك
كأن كابوس وإنـزاح
.............................. حسـن الشـوان ..