(مجلة كل الخواطر ) أنــا وأمــي _ للشاعر المبدع / محمد عبد القادر

أنا وأمى
أنا وأمى ....حكايه يادوب
نحكى حبها الصافى
ومن عندى الجفا مكتوب
أنا وأمى ....
أمى .... حكاية حب جميله
بتسهر جنبى اليوم والليله
وبترشدنى ف كل حياتى
وبتدعيلى بحب يوماتى
وبتتمنى تشوفنى ليلاتى
أكبر وأكبر ... أكتر وأكتر
يمكن أوصل ....
أنا وأمى ....
أما حكايتى ففيها خساره
صعبه بجد وفيها مراره
طفل عنيد ماسك صفاره
كل مايكبر يعند أكتر
يجرح ويفكرها شطاره
أنا وأمى ...
أمى يوماتى ... كانت تدعيلى
رب الكون يمكن يهدينى
أضحك ولا شئ كان يرضينى
تبكى اﻷم ومش غضبانه
على إبنها كانت زعلانه
لما كبرت شويه فهمت
واللى زمان أنا شوفته إهانه
بقى فى عنيا له أحلى مكانه
من وقتها وأنا عندى رساله
نفسى أقولها لكل ولادى
كانو ستات أو كانو رجاله
أمك ... هى الحضن الدافى
أمك ... نبع الود الصافى
رمز الحب فى كل مكان
جنة ربنا تحت قدمها
وبعفوها يعفو الرحمن