.......... الحــب الــطاهـر ............
زعلت عشان قلت للناس حبك
وخد مني جنب وبتعاقب قــلبك
ولما أسأل عليك تنكر نفسك
بس انت اللي بدأت وقلت بحبك
يعني كنت بتخدعني وبتمثل عليا
يعني كنت بتلاوعنــي وبتلعب بيا
والأمال اللي رسمتهالي
وكلامك اللي كله حـــنيه
ما تخيلتش يوم في بالي
لما أقول حبك تقلب الدنيا
وأسمع مراسيلك يقولوا مش عهدنا
وكنت قبل ما أقول أقولك الأول
ولو عايزني أجيلك إنكر اللي قلته وودنا
ح تلاقيني وعنك مش ح تحول
أرد عليك وليا حق الرد وأفكرك
أرد عليك وليا حق الرد وأنورك
مسمعتش عن حب كان في السر ودام
ولا حب يتكتم في القلب ويبقي غرام
الحب الطاهر لكل البشر أصلا ملاك
الحب الطاهر ذي الزهر علي الأغصان
تشوفه العيون وتدفيه الشمس ولو عطشان
وعمر الحب ما يرخص ولا ينقص إلا لو خان
روح لحالك وخد اللي بتقول عليه حبك معاك
وعمري ما ح فكر فيك ولا كمان أشتكيك
وح ندم إني في يوم عاتبتك وإفتكرتك إنسان
..........................................................................
...................... كلمات .. حسـن الشـوان... موثقة .....