(مجلة كل الخواطر) مصر أكبر من كده _ للشاعر المبدع / عصام دويدار

مصر أكبر من كده 
..............................
مصر مش حاكم وكرسي 
مصر مش سيسي ومرسي 
مصر أكبر من كده
...................................
مين يختلف علي حب مصر 
إلا الخسيس 
اللي يبيع حبه لوطنه 
عشان رئيس 
............................
مصر شعب وأرض ساميه
مصر دمعه حاره حاميه 
لما تنزل م الوجع 
تحرق ولا مليون رئيس
............................... 
شعب عانى كتير وصابر 
رغم كل سنين مخاطر 
شعب قادر شعب شاطر 
لسه حبه لوطنه حاضر 
.................................
التاريخ فاتح بيبانه 
مش هيتمله في جماله 
هو دا التاريخ وحاله 
لما يكتب يوم كتابه 
وتِتْفِحْ صفحات حسابه 
اللي يعمل حاجه حلوه
يشكر التاريخ جنابه 
وإللي يعمل حاجه تانيه 
يلعن اليوم اللي جابه 
.................................
التاريخ لو كان مجامل 
عمره ماهيعدل في مايل 
مهما حاولوا فيه تحايل 
ربنا شاهد وشايف 
ربنا للحق كاشف 
.......................................
مصر مش حاكم وكرسي 
مصر مش سيسي ومرسي 
مصر أكبر من كده 
.....................................
بقلم / عصام دويدار