( مجلة كل الخواطر ) يـا حبيبــي متبعدش عـني _ بقلم الشاعر الرائع أ / حسن الشوان

 ........... يـا حبيبــي متبعدش عـني ........... 
للدرجادي مشتاقتش ليا
للدرجادي مسألتش عليا
وداير تشتاق لكل الناس
وداير تسأل ع اللي مجاش
كأن مفيش بنا إحساس
وأهو حب يتقال وخلاص
أحلي كــــلام قلناه
أحلي غرام عشناه
ايه اللي جرالنا وغير حالنا
والحب بنا مستحيل ننساه
بفكرك بعهودنا بفكرك بوعودنا
وكانت سيرتنا علي كل لسان
ولو حتي إتحسدنا أو بعدنا
حبنا أأقوي من النسيان
تعالي نتكلم بكلام واضح 
ونقول اللي جوانا ونتصارح
ولو فيه بنا ظلم جارح
عايز يبعدنا عن هوانا
أنا وأنت نبعده ونتسامح
ليه الشوق بنا يقل
ليه اللهفة بنا تدبل
وأعاتب قلبي قبل ما أعاتبك
ليه يا قلبي قسيت علي حبك
عتاب القلوب يصحي الأحبه 
ويرجع تاني شوق المحبه
أنسي كل الدنيا عشانك
وأنسي كل اللي حواليا
وادوق الحلاوة في مرارة حرمانك
والقاك جنبي بتخاف عليا
يبقي أذاي أسيبك وأهتك توجعني
انا طبيبك ومستحيل تـــروح مني
وأحلي كلمة أسمعها منك 
لما تقولي يا حبيبي متبعدش عني
..................... كلمات .. حســن الشــوان ...موثقة.....