فرج الشاعر
( محتاج منك )
محتاج منك تضميني علي صدرك وتاخديني
وتلفي ذراعك حوليا وتطبطبي وضمي
خليني أحس بحنانك حتي وإنتي بتئني
محتاج منك كلمة حلوة تكون غنوة أغنيها
أعدي بيها سنين الحزن وأطويها
محتاج منك تحسي بيا وبناري
لما أصرخ من الوجع والألم واقول عايز تاري
وتقولي إني كارهك وأنا عاصي
إزاي بس أكون أنا كارهك
وإنتي في الاصل أساسي
بلد أبويا وجدودي ومسقط راسي
أنا المزروع جواكي ومش ممكن يكون فاسي
ال يحصد زرع زرعوه جدودي وناسي
ومش ناسي ومش مغصوب علي حبك
لو إنتي مش عارفاني أنا عارفك
وأنا شايفك وأنا حاسك وأنا لامسك
وأنا المقتول برصاص الغدر في هواكي
مأنتي أمي وجوه عيني أنا شايلك وبهواكي
وياما كنت بحايلك إنك تقربي مني
وكونت بحس انك بتبعدي عني
لمي عليا تعالي من تاني
ماتسبنيش تايه وغرقان في بحورك
وتجهزي في نعشي وأكفاني
والموج يطوحني ويبعدك عني
خليني أشوف فجر نهار جديد فيكي
يبدل ظلام اليل وينور أراضيكي
وينزع الخوف من قلبي علي بكرة
وحزن عدي ودم سال علي أرضك
ويكون ذكرى مش نكرة يا كل اوطانى
