(مجلة كل الخواطر ) خايف أفرح _ للشاعر المبدع / حسن الشوان

 ............... خــايف أفــــرح ............ 
خايف أفرح لا يكون الأمل كذاب
خايف أفرح لأعيش علي سراب
خايف لا مالقيش تاني أحباب
وأحزن وأدوب مع السحاب
الليل بيطول عليا بالحرمان
والنوم مخاصم عينيا زمان
و اللي فيا خلاني حيران
وانا معرفشي أخبي ويبان
علي وشي خوفي من القرار
والحب اللي حسيته المرادي
حب جميل رقيق مش عادي
صحا جوايا مشاعروأشعار
لقيت معايا الورود والأزهار
ألوانها تبهج كل الدنيا نهار
دوبتي في قلبي حنان
بدرتي في حبي الأمان
طرحتي ورود بكل الألوان
سقيتي المحروم كمان
دندنت الطيور ع الأغصان
بس دايما بخاف من الفيضان
لما يقسي علي ورد البستان
بدل ما يسقيه يخليه عطشان
بخاف أقول قبل الواقع
بخاف من ذلة اللسان
والكلمة ليها ألف واقع
والحب يحير أي ميزان
بخاف أفرح من قبل الأوان
والقلب يدفع التمن أحـــزان
............................ كلمات ... حسن الشوان ...... موثقة ............