(مجلة كل الخواطر) الفيس وسنينه _ للشاعرالكبيرالمبدع / حمدي صالح

( الفيس وسنينه )
فجأة 
لقيتها مكلضمة وضاربة بوز
مالك ياستي
قالت مفيش
ياست مالك مين زعلك وانا افرمه
قالت هو انت يعني زعلي يهمك
قلت طبعا ازاي ( ياأنا )ما يهمنيش 
دموعها سبقت كلامها
ورصاص عتابها كما الخرطوش
هربد في هدوم مشاعري
ما سابش حته الا وصابها
والوجع ساعتها ما اقولكوش
وقعدت تلعن في مارك وام فيسه 
واتهمتني اني ممدد فيه ونايم
وانه كمان خطفني منها
وافترسني كما الوحوش
وعشان هي اللي عملت حسابي
وانا ماعملتش حسابها
كانت عايزة تلغيه هولي
اكمنه شاغلني عنها
وكلمة منها وكلمة مني
كانت خلاص الدنيا ها تولع
قلت يالله نأجل كلامنا
بالله عليكي
انا شامم ريحة الاكل ( تجَوّع)
وقبل ماكل قلت( الل ااااااااااه )
تسلم ايديكي !!!!
وادي اللي نابها م الفيس ونابني
مبسوط كده
شايفك وانت بتضحك ياسيدي
اومال ها تعمل ايه لما تعرف 
اني عشان ( أراضي) 
عملت الشاي كمان بايدي
مع اني أصلا أنا اللي ( طااااابخ )
#حمدي صالح 
لانها كانت بترسم اللوحة الجميلة دي
اكوريل رسم زوجتي