رباعيـــــــــــــــــات
،،،،،،،،،،،،،،،،،،،،،،
غمي عنيك يافحــــل وماتبصش
عامل دنجــواي ولسه مافهمتش
كله ســــلف ودين مهما يطـــول
وساعتها تلطم تقــول ما عرفتش
وعجبي
،،،،،،،،،،،،،،،،،،،،،،،،،،،،،،،،،،،،،،
الليل عشش وعمــر في كل بيت
والهم ضيف تقيل تقولش عفـــريت
صابر علي حالي وحالي ماصبرشي
عرفت أهرب منه كتبت له حواديت
وعجبي
،،،،،،،،،،،،،،،،،،،،،،،،،،،،،،،،،،،،،،،،،،
الواد شجاع فارس وف الميدان واقف
حب الوطن عنوان ولايوم كان خايف
يغني باسم الوطن وعمله بيبوسه
ضحك ليه الوطن وقال له أنا شايف
وعجبي
،،،،،،،،،،،،،،،،،،،،،،،،،،،،،،،،،،،،،،،،
بصيت في المراية لقيت قلبي اتفزع
الشكل غريب عني ياترى مين الجدع
شكله واحد صاحبي وغير ف ملامحه
لكن اسمه أيه وليه ساكنـــــه الوجع
،،،،،،،،،،،،،،،،،،،،،،،،،،،،،،،،،،،،،،،،،،،
زعلان م الحكومة بتغلي في السجاير
وبوزك بقى زلومة وعملت واحد ثاير
ياراجل لو حاتعند وتحلف ماتشربهاش
حاتلاقي نفسك بطل والدم فيك فاير
وعجبي
،،،،،،،،،،،،،،،،،،،،،،،،،،،،،،،،،،،،،،،،،،
شعر: محمد فتحي عبد الغني
بتاريخ23/2/201