Tarik Shamekh Abdelgawadكله بميعاد.
كله بميعاد حتى الساعات
ليها وقت عقاربها بتقف
زى التروس بتدور تدور
وعن مسارها بتنحرف
وبتنكسر وإحنا البشر
أحلامنا بتطول السما
وساعات بنحلم بالقمر
حتى القمر أوقات
بيحصل ليه خسوف
وكتير نسابق ف الزمن
وبنرمي روحنا ف الخطر
ونعيش ف خوف
فاكرينها يوم هتدوم لنا
هنعيش خلاص مليون سنه
ناسيين دى حكمه ربنا
وعلى الجبين كاتب قدر
ونهايه لينا كلنا ولازم نشوف
ونرضى غصب عننا
ما إحنا البشر أخرتنا بس
لسان يقول حبه حروف
وكله بميعاد حتى الساعات
ليها وقت عقاربها بتقف
زي التروس بتدور تدور
وعن مسارها بتنحرف
طارق شامخ عبد الجواد
