(مجلة كل الخواطر) أنــا نـدمـان _ بقلم الشاعر الراقي/ طارق شامخ عبد الجواد

أنا ندمان
لو ترجع بينآ الأيام
كنت هحافظ قوي على حبك
كنت هاحقق لك أحلام
نفسك فيها وبيها وعدتك
أنا ندمان إني خسرتك
إني سمحت لنفسي بظلمك
إني ف عز ما كنت شاريني
قلبي إختار البعد وجرحك
وإنت خلآص عديت على جرحك
والأيام بتاخدلك حقك
وكفايه إنك كنت برىء
كنت بتيجي كتير ع نفسك
وأنا ضيعتك. أنا ندمان. أنا ندمان
إنت حقيقي كنت ملاك
وأنا ماعرفتش أبدٱ قيمتك
ولآ حسيت باللي جواك
ولآ بوجودي أنا حسستك
أنا بغروري إختارت فراقك
وبأنانيه سمحت لدمعك
جوه عيونك ينزل خدك
والنار بتقيد جوه ف قلبك
وأنا ما فهمتش ولآ قدرتك
ولآ طبطبت عليك طمنتك
أنا ندمان وكفايه إنك
كنت برىء كنت بتيجي 
كتير على نفسك
وأنا ضيعتك أنا ندمان
طارق شامخ عبد الجواد