(مجلة كل الخواطر) بتسأليني بتوحشيني _ للشاعر المبدع / تامر النقيب

بتسألينى بتوحشينى
بـــقلم تـــــامر النقــــــــيب
********************
هو إنتي لسه بتسألينى
ف الغياب بتوحشينى
أيوه طبعا 
والله فعلا
ده إنتي دايما توحشينى
وإنتي حتى قصاد عيونى
حتى لما أتخيلك 
بلاقيكي واقفه تكلمينى 
وجايه تانى تسألينى 
أزاى وإمتى بتوحشينى
بتوحشينى لما بتغيبي ثوانى
لما وياكي بفكر ف الأمانى
لما أغضب 
وأما أزعل 
ع السنين
اللى من غيرك فاتتنى
نفسى لو ترجعلى تاني
نفسى لو يرجع زمانى
وتلاقينى وإنتي لسه بالضفاير
والبسمه فوق خدك ورود
والحلم فى عيونك ده طاير
وكل يوم أمشى وراكي
ومن بعيد أنا ليكي اشاور
والكسوف يملا خدودك
لما أقولك ياحبيبتي
بتوحشينى 
تختفى ورا الستاير
ده أنتي قمرى وإشتياقى 
وكل أشواقى وحنينى 
لسه عاوزه تسألينـــــى
إمتى برضو بتوحشينى 
راح أقولك 
لما روحي تتوه ف عشقك
لما أحس بنبض قلبك
لما بصرخ آآآآآآه بحبك
وأحس إنتي بتسمعينى 
ساعتها برضو بتوحشينى 
بتوحشينى 
ولو قاعد ف وسط الصحبه واللمه
ولو حتي بمكان ضلمه
وقد العزم والهمه
رسمتك تاج على جبينى
عشان لما سألتينى 
صرخ قلبى بعلو الصوت
وحشتينى 
ولسه تانى بتوحشينى 
وعصفور الهوا زقزق
على غصونى وبيغرب وبشرق
ولما الورد بيفتح وبيورق 
وقد الشمس ما تنور على الدنيا
وقد وحدتى فى ليلى 
ده حبك بحر فيه بغرق
وأفتكرك 
واكون شامم أنا عطرك
وبرسم ع الحيطان صورتك
وأحن ليكي ياحبيبتى 
فتنزل دمعه من عينى 
الاقيكى وحشتينى 
واخاف لو لحظه تنسينى 
عشان فاكرك انا دايما
وحتى وانتى ويايا 
هقولك اه وحشتينى
تــــامر النقــــــــيب ....