إشهد يا بحر
إشهد يا بحر على بشر
بقلوب حجر
لأ دا الحجر جواك يا بحر
بيبقى طين
يبقى خلاص نقول حديد
لأ دا الحديد بالنار يلين
هنقول دي ناس
من الضمير معدومين
هنقول دي ناس
مش فاهمه دين
يبقى بنظلم البشر
وبنفتح للخطر بابين
وبنعتبرهم مسلمين
دول مش بشر
دول شياطين. دول شياطين
إشهد يا بحر
صرخه بريئ
وإيديه ف ظهره متكتفين
الصرخه جواه خايفه تطلع
ولآ أأأأه بتشفع ولآ خوف بينفع
سكين بيدبح بني أدميين
دول مجرميين
أشهد يا دين إنك بريئ
أشهد يا رب إنت المعين
هنقول دي ناس
من الضمير معدومين
هنقول دي ناس
مش فاهمه دين
يبقى بنظلم البشر
وبنفتح للخطر بابين
وبنعتبرهم مسلمين
دول مش بشر
دول شياطين دول شياطين
طارق شامخ عبد الجواد
