جارى التحميل
استخدم زر ESC أو رجوع للعودة
وإيه آخره نكون عشاق
وإيه آخره نكون عشاق
وإيه ناخد من الأشواق
مادام العشق آخره دموع
مادام الحب آخره فراق
وليه نمشي ف طريق مسدود
ونحلم حلم مالو وجود
نعشم روحنا ليه بأوهام
وجوه قلوبنا نزرع شوك
مادام العشق آخره دموع
مادام الحب آخره فراق
ونعتب ليه على الأيام
نقضي حياتنا ليه ف خصام
وغيره وشك لوم وعتاب
تقول خاين وأقول كداب
مادام العشق آخره دموع
مادام الحب آخره فراق
وليه ما بنرضى بالمكتوب
ونعشق شمس غاويه غروب
ونسأل ليه سؤال معروف
عمر ف يوم ماكان ليه جواب
مادام العشق آخره دموع
مادام الحب آخره فراق
نعلق ليه رقابنا ف طوق
ونعيش ضلمه وسط الضؤ
وتبكي العين ونشكي سنين
ويوجعنا حنين وشوق
مادام العشق آخره دموع
مادام الحب آخره فراق
وإيه آخره نكون عشاق
وإيه ناخد من الأشواق
مادام العشق آخره دموع
مادام الحب آخره فراق
طارق شامخ عبد الجواد
