جارى التحميل
استخدم زر ESC أو رجوع للعودة
بنلوم
بنلوم ع الدنيا وايامها
والعيب فينا
بنلوم وبنفضل نستنى
تحن علينا
بنلوم بنصدق اوهامنا
عايزينها تحقق احلامنا
تفتح اسوارها وبيبانها
تحضن فينا
ونشوف الجنه فى بساتينها
ونطير ف سماها ونحضنها
نقطف ف نجوم ونعدى بحور
نملك ف قصور
وعروسه البحر تبقا نصيبنا
أل يعنى الدنيا دى بإيديها
ناسيين إنها مخلوقه لينا
وإحنا اللى بنزرع وبنبنى
نعمر فيها
والنار اللى احنا بنقيدها
اول ما بتكوى بتكوينا
والفرحه منا والدمعه منا
الخير ماليها والشر فيها
هنلومها ليه ونعتب عليها
نلوم قلوبنا وضمايرنا
نلوم نفوسنا وايدينا
بنلوم ع الدنيا وايامها
والعيب فينا
طارق شامخ عبد الجواد
