يا دولة البشوات والكوسه والمظهر
فيكي الفقير ينداس بالجزمه مش اكتر
فيكي الحقايق كدب والحق بيخسر
ودي النتيجه يا رب وارحمني مش هقد ر بلدي ومش لاقي فيها مكان ليا
والزحمه خنقاني والعيشه مش هي
حكمنا بالكرباج والسكه مسدوده
هي بلد الاسياد ولا ولاهي محسوده
يالي بتحكمنا انا حقي مش سيبه
وان كنت مكتوبنا اعدلها مش اكتر
ليه الفقير بيموت والغني يكبر
لا هي عزبتكوا ولا ورث اجدادكوا
فرعون دا كان خالك ولا انت بتهزر
عجبي علي اخين ف الهم متحدين
كتبين علي جبينهم اخوات ليوم الدين
وفجأه يفترقوا ويقسموا التركه
وكل أخ يادوب يختارله يوم سكه
وفي النهايه اتنين ع الشر متفقين
يا مصري يا مسيحي يالي بتكرهني
من امتي كان ديني ذنبي وتدبحني
يا مصري يا مسلم يالي بتسمعني
من امتي كان عيسي مش نبي يابني
ماكلنا واحد وف مصر عيشنها
مد الادين يلا وقوم عشان نبني
الشاعر حسن بيومى ... بتاريخ 22\1\2015
