"زين"
فاكره اول عيد صغير
اتقابلنا صدفه فيه
فاكره كنتى لابسه ايه
فاكره برفانك يوميها
لما شد الروح وخدنى
منى ليه
فاكره لما مشيت وراكى
مشيت وراكى اد ايه
السكك ماكانتش فارقه معايه يومها
تطول او تقل
وقتها اصرارى خلى
الملل بقى شئ ممل
كنت طاير م السعاده
مش مجرد عيد وعادى
انما العيد السنادى
لما شوفتك خلى اجمل عيد يطل
خلى من دون اللى كانوا فرحانين
وحدى بس .. كنت انا معيد عيدين
طب فاكره زين؟!!
الولد ده الى شوفناه واقف حزين!!
لما روحتى بطيبه منك ضمتيه
ابتسم اكمنه شافك حسيتيه
راح مدمع
خدت وقت كبير يوميها عبال ما اجمع
كنت اول مره اشوف
الدمع مخلوط بإبتسام
احاسيس كثيره شوفتها
يوم لما شوفتك ف الزحام
غير كدا .. انا كنت زيي زى كثييير شباب
بكتب كلام .. ومحستوش
كنت بهتم جدا باللرطوش
الى بيقرا مش بياخد باله من حبة نقوش
بالمناسبه .. انهارده رغم انه بردوا عيد
فى كثيير زيي بردوا ماعييدوش
وانتى فين؟!!
مافضلش غيرى والصُدف
والمكان واقف حزين
وبواقى البرفان اياه .. والدمعتين
اللى لسه معلمين
فوق خدود فرحه تاهت
م الولد .. الى اسمه زين
معقوله مش فاكره ابتسامته
طب قوليلى فاكره مين!!
