(مجلة كل الخواطر) "ماتقولي" بقلم عبد الله سايح

"ماتقولي "
بتحبي قوليلى
إيه الدليل
تعالي واحكيلي

مش مستحيل
على كلمتين حلوين
إتغمسوا بمرك
أو نظرتين صافيين
شاربين من سمك
حتى الغرام فى الرحيل
لوعرفه ماتقولي
ياحبة اللولي
سنين داير غرامك
بكلام يسابق كلامك
وان طولتي بتثوري
قولي على الأيام
اللي عيشتها جمبك
تملي ماسكه اللجام
ولاأمري كان همك
أو جمعي فصولي
أحكيلي فصل الشتا
والمطره من عيني
وهروب ليالي الرضا
ولابسمه تناديني
أو حتى قولي الصيف
لما السهر كان كيف
نمتي وكنتي الطيف
والهم مانسينى
أو حتى قولى الصبح
لما الكلام كان دبح
ولاشكوى تبقيلي
أو حتى إحكي خريفي
لما ابتدى كيفي
أتمنى أعيش وأبتسم
وإذاي كدا تشوفي
الضحكه فوق الخدود
أو ضحكة المولود
بتبني فى صفوفي
إذاى كان الكلام
يامنسياني الكلام
ولالحظه بتلوفي
ماتقولي واحكيلي
إذاى فى مناديلي
كانت دموع وأهاتي

هيه اللي تدعيلي
وعمله ماتشوفيي