خلاص يا دنيا امرك يا دنيا
هعشق واغنى واحب وادوب
وان كان حبيبى مش من نصيبى
سلمت امرى للمكتوب
ان جيتى بالفرح تعالى
وان جيتى بالجرح تعالى
قدرى وحعيشه شروق وغروب
خلاص يا دنيا امرك يا دنيا
ومين يا دنيا يقدر يعاندك
وانتى الليالى وانتى السنين
على قد م هو مكتوبلى عندك
انا برضوا راضى بحكم السنين
ان كنتى دمعه حعيش فيكى
وان كنتى غنوه هغنيكى
وان كنتى كلمه هقولها واتوب
خلاص يا دنيا امرك يا دنيا
هعشق واغنى واحب وادوب
طارق شامخ عبد الجواد
