(مجله كل الخواطر ) شِباك قديم - بقلم الرائع / اسلام ياسين

"شِباك قديم"

شباك قديم مفتوح على الذكرى
تايهه حرارة شمسنا لبكره
شباك قديم كل الى باين منه
فستانك
وطيف ماليه الرضا
والحضن والفكره
اصيل والاصل فيه غلاب
لامس عيون الشمس بالفطره
فاكر حكاوى الليل واسراره
غاوى يقول مواويل ويغنى اشعاره
المعنى من طُهره شادد ستار
الحيا .. شارد ف افكارة
عاقد عيدان الود رغم اختلاف
الضي ..
ومكنش فى ولابد
للشمس تختاره
شباك حبيبتى زمان
ليه ضيع العنوان
ومكنش فى الامكان
يسرقنى مشواره
سامحينى يابوبه
طوبه ومعطوبه
مش لاقى غير ذكرى
وشوية التصاوير
واجابه مش واضحه
لسؤال سألته كثير
هو انتى لسه بتبصى م الشباك!!
شيفانى لسه هناك!!
حسانى ليكى سنين!!
طب كنتى ليه بتغيرى العناوين؟؟!!

خواطر اسلام ياسين