(مجلة كل الخواطر ) قلبي الصغير - بقلم العندليب الشاعر / احمد عبد السلام

قلبي الصغير

فرحان وخارج في الصباح باكر

رايح المدرسه وانا مذاكر

وفي قلبي شوق لأمل حاضر

ودعت امي وبوست انا ايديها

وبابا خدني وهو نازل وسلم عليها

وقفنا عند باب بيتنا

في انتظار الاتوبيس

شوفته انا وهو جاي من بعيد

بابا سلم علي واداني المصروف

وشالني وداني

عند بابه فتح

لقيت اصحابي قدامي

ودعت بحنان والدي

وهو واقف ناداني

قلي بلاش شقاوه

وترجع بالسلامه

وبإيده لوح بالدعا ليا

حسيت بقلبي اتخطف

من خوفه علي

اتحرك الاتوبيس

وبدأت الرحله

مشوار طويل سكته خطره

انا واصحابي بنغني من الفرحه

والشمس بتشقشق

علي صوتنا والضحكه

بس للأسف

دي بقت ذكري

فجأه لقينا الموت

محاوط الابواب

بصرخه فزع وزعيق

افتحولنا الباب

النار دايره تاكل

في جته الاحباب

والله قلبي اتقبض

وانا بكتب علي الاوراق

ودموعي نزلت مطر

علي لحظه الفراق

طفولتهم ضي قمر

راحت من الاهمال

صوت انينهم صدي

بيرن في الويدان

وقلوبهم الطاهره

انطوت مع الاحلام

رحماتك يا رب

والصبر والسلوان

علي الاهالي

اللي انكوت بفرااااااق

ملايكه الرحمن

تمت

بقلمي الحزين

احمد عبد السلام