(مجلة كل الخواطر ) خدنى الخيال - زوزا كريستال

خدنى الخيال.......
ـــــــــــــــــــــــــــــــ
واناوفى طريقى
بصيت للسما كتير
اتمنيت اشوف طيفك
مع كل ريشة طير
اتخيلتك بتشاورى عليا
بتقوليلى دايما انا جنبك
دايما فى سفرنا ايدك فى ايديا
اتمنيت احس ان بين السحاب عيونك
المح نظرتك
ضحكتك
شقاوتك وجنونك
واتخيلتك فى السما
كأنك فى بستان مليان محبة
وطيبة قلبك مدفية الوجود
وبتغنيلى هنفضل احبة
خدنى الخيال بعيد بعيد
حسيت ساعتها
اد اية قلبى فرحان وسعيد
ما فوقت من خيالى
غير لما لقيت مكانك هناك
مش جنبى
ورجع تانى قلبى وحيد وحيد
عزة وهيب...