(مجله كل الخواطر ) سلام يا عرب - بقلم الشاعر / اسامه شاهين

***** ســـــــــــــــلام ياعــــــــــــــــرب *****
*************************************
سلام لا يُدركه بشر
سلام لا يُدركه عقل
أيها الراقدون تحت مظلة السلام
أين أنتم من السلام
؟؟؟؟؟؟؟؟؟؟؟؟؟؟؟؟؟
شايف بعينى زعابيب أمشير
هٌله علينا برياح و عواصف
والنوه على شط المرسى
بتشوط فينا
واحنا كما موج البحر
والنوه ماتعرفش السلام وال رحمه
ولا تعرف يعنى ايه
قلوب مجروحه
وادى السما وادى الطيور
الطيور بتعافر وتغامر
********************
كل الطيور عامله إعتصام
واحنا يا بــــــــــــــــشر
نياااااااااااااااااااااااام
لسانا قاعدين ع الدكه
راقدين تحت اللحاف
كما النعام
لما يرقد فى الرمال

كل الطيور عامله إعتصام
وبينشدوا أنشودة السلام
******************* رجعوا التتار يا عـــــــــــــرب
ماتوا الصغار ياعرب ***** حرقوا الخضار ياعــــــــــــــرب

خربوا الديار يااااااااااااااااااااااااااااااااااااااعرب

غصن الزتون أتقطع
ريش الحمام اتمزع
****************
وأه وأهييييييييييين ياعرب
والكفن حزين ع الولد
الأرض عرّض ومدد
ولسه ما أنش الأوان ياعرب

********************رصاص زى المطر ******************

نازل يغربل البشر
والقنابل ويا المدافع
دقت أجراس الخطر
والحجاره مسلمه للقضا
ولسه ما أنش الأوان ياعرب

الولد راح فطيس جنب أبوه
والحجاره بكت بالدموع ودعوه
حتى الرضيعه قتلوها اليهود
ودم الصغار
لساه بينبض بالحياه
ويصرخ فى الفضا
بتارى فين حقى فين
صوت له رنين كما صوت البرق
رعيد بيضوى فى ودانا بيزلزل وجدانا
انا الشهيد حقى فين
الأرض عربيه فلسطين عربيه
سوريا عربيه ليبيا عربيه
عراق عربيه
تونس والجزاير يافا واريحا
لابسين الحداد من بدرى
والقدس شارب مرار الحنضل من بدرى
واحنا ياعرب
كما الولايا لابسين الطرح من بدرى
وجاين تقولوا سلااااااااااااااااااااااااام
ومنين يجى السلام
واحنا نيام فى الخيام
متكلفتين ومقرفصين تحت اللحاف
وبنطرقع كلام اى كلام والسلام
بنمضغ كلام تمام زى البنات
ما بتنتغ لبان وتفرقعه فى الهوا
اى سلام سلام كلام والسلام
الموت ع الأبواب واحنا لسه بنقول
ســـــــــــــــــــــــــــــلام
سلام لايدركه بشر
سلام لا يدركه عقل
سلام ياعرب نيااااااااااااااااااااام
************************
أول حروف الكلمه (سين)
سلاح قصاد حجاره يامسلمين
تانى حروف الكلمه ( لا )
لا تراجــــــــــــــــــــــع ولا إستســـــــــــــلام
تالت حروف الكلمه (ميم )
مين يطفى نار الجحيم
مين ياخد بتار المظلومين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من ديوان سلام ياعرب
****************
اسامه شاهين