جارى التحميل
استخدم زر ESC أو رجوع للعودة
.
شدي الرحيل
لسه يابهيه مش عارفه مين
قتل ابنك وابني . وقتل ياسين
وعماله تبكي بدموع عيونك
وتشكي حزنك للملايين
مأنتي عارفه يابهيه الي قتلهم مين.
يلا ياغاليه امسحي دمعتك ..
والبسي توب من نار وشدي الرحيل
يلا خدي بتارك وتاري
وطفي نار القلب الحزين
ايدك في ايدي يابلادي
وبستنا الاشاره من سنين
وماتخفيش يابهيه من كلام اللايميين
كل واحد عنده الي مكفيه
ومين حاسس بجرح قلبك مين
لعم ولا صاحب حتي الجار من الخاينين
راحو الحبايب ومين يرجع الغاليين
ماتو بدم بارد يامليحه
ياعيني وياقلبي الحزين
يلا ياغاليه اقلعي توب الحزن
واتحزمي بتوب النار وشدي الرحيل
واحنا معاكي وبنقولك
لأشاره من طرف عينك مستنيين
يلا شدي الرحيل
ليه كل مره أسكت وأسمعك
وأحط علي راسي الطين
صبرت عليكي كتير يأمي
نفسي تفرحي القلب الحزين
نفسي اشرب من دمهم وارتوي
الارهاب الخونه الملاعين
يلا شدي الرحيل
................بقلمي.............
فرج برعي ابراهيم
