ضحكة مش م القلب 
خالص
جيتنا ليه ؟ 
جيتنا ليه مليان وساوس؟!
جيتنا ليه شكلك ..حزين ؟ 
وشك ولا .. 
وش العيال المدبوحــــين 
فــ مخيمات صبرا وشتيلا 
ودير ياسين 
شكلك شبه كل العيال
فـــــــوق الكبارى وتحتها 
ومرمَّية فـ المــــــــيادين 
لونك ... كما
لون الغروب 
ما تكونش متشــــرَّب 
بدم الأبريا 
إتشعبطوا فيك العيال ولونوك
من دمهــــــم ؟!
لفوك وقالوا يكملوا بيك لعبهم ؟
ليه إنطفيت 
طب روحت فين ؟
غـيَّرت لونك ، والســــــما 
ما يكونش فينا العجز صابنا .. 
بالعمى؟
وشك حقيقي .. مش قمر
وشك ولا الكراريــــس هنا 
فــــ بحر البقــــــــر
مطـبوع على وشـك .. رتوش
أشكال ، عيون ........متقفلة
ومفتحـة للموت بخــوف .
لونك بقى المغموس 
فـــ دم من الحـــروف
نفس الحروف اللى إسمها 
قانا .
لونك يا أمة بضعف قتلاتا 
يا وطن عــــــــالى الجـــبين
إتشـوهت فيك المعانى ...
م المصـادر ، للســــــــــــطور
إتفجــــــــَّرت جوه الصــــــدور
مع كلمتين 
رايحين لفين ؟؟
وشك حقيقى يا قمر باهت ، حزين