أدّ إيه ..
قلبي حزين
يامثقفين
يامبدعين
يامعلمين
أجيالنا ..
تفخر بالتاريخ
ويردّدوه – دايماً –
وروسهم .. مرفوعين
هاتوصل الحاله بسكوتنا !!
إن مصر - فى أصلها -
كانت ماخوره .. للتاريخ
واحنا فى ماسورة وصلها
كنا ف تاريخها .. قوّادين !
          ***
ملعون أبوه .. إعلام لعين
بيطلّ منّه ..
جرّارين ..
وطبّالين ..
وفُريَجيّه ..
ونصّابين ..
متلوّنين ..
وأفّاقين ..
مُحلّلين !!
وباحثين !!
وأسطوات ..
فرك العجين
ولا أي ملّه ..
.. وأي دين
يسمح لهم ..
ويبيح لهم ..
نهش ف تاريخنا !!
وكسر ناسنا الطيّبين
      ***
فين شبابك .. يابلد ؟
فين ولادك .. يابلد ؟
ولحدّ إمتىَ هاتفضلوا
.. متلجّمين ؟
إيه اللي باقي يابلد
مابقاش سبب نزف
.. وأنين ؟
آااااااااااه
مابقاش في عيني
.. دمعتين !!
مابقاش في قلبي
.. نبضتين !!
مابقاش في عمري
.. غير حروف
تنزف .. بحبّك
ونص حلم .. بأمنيه
إن احنا .. لِسّه مكمّلين
لو حتَّىّ سَبَق الرَمق
شهقة نَفَس .. بحنين
وصوتي .. مبحوح
م الدُعا .. يااااااارب
ثبّت في قلبي الدين