سوريا بتنادى سوريا بتقول
دولا يا ناس ولادى
دولا .. ودولا .. ودول
يا ضمير العالم اصحى
يا ضمير العالم قول
فوق ارضها نزف دمها
وجوة حضنها
هدو وقتلو كتير من شعبها
ارواح اطفالك يا سوريا
فى جنة ربها
سوريا وشام يا احزان
عليكى و على اللى كان
يا بلاد الشام و حلب
فين العرب
قلوب بتموت وبيوت
وصرخت سكوت
بتصرخ من قلب شهيد بيموت
بتنادى فين الضمير مات
جوة السكات
ده كل يوم بيفوت
اطفال وشباب بتموت
يرضى مين ده يا عالم
يرضى مين ده يا ناس
خلاص مات الضمير
خلاص مات الاحساس
سوريا المداين ويا ارض العرب
فجرك هيشرق ويشق الغضب
سوريا مدنك حزينة والشجر بيموت
فى كل الشوارع وفى كل البيوت
سوريا وشام يا ولاد
ارض العرب والامجاد
اصحى يا ضمير العالم
وشوف حال البلاد
سوريا وشام يا نبض العرب
شعبك من حضنك بيتغرب
سوريا ويا دمشق يا بلاد الشام
يا ارض المداين ويا ارض السلام
شعبك بينادى يا انسان
