من ديوان "المَلِكْ ".. للشاعر علاء الدين سعيد

بالعاميّة المصريّة

=======

المَـلِــكْ

للشاعر

علاء الدين سعيد

****

يا مليـكتى .. و المـَلِـك فـوق عـَرش مملكتِـك .. أنـا

يا حبيـبتى .. يـا حنيـنى فِ اللـُُقــا أو فِ الضَـنـَى

الرعـايا بيســألـونى : يـا ملِـكْ مَـالَـَكْ حـَزيـْن ؟!

قلت : أحزانى فْ شـجونى و العـيــــون المحرومين

و انـتى أعـلـم مِنـِّى بـِيْـهم و بْهـَواهـُم مِن زمـان

و ان نســيتى إســأليهم ، و اســألى قـلبـِك كمـان

ح يقولولِك ع َ الحقيـقه اللى بايـنه فْ نـِنـّى عـيــنِك

عـن أمانيـنا البريـئه .. إللى كات بيـنى و بيـــنِـك

و اللى عايشـــه فْ ذكريـاتـنا حِـلم للعمــر اللى جَىْ

نِحـيا بـِيـها مِ اللى فاتـــنا بُكـرَه مالهــوش أىّ زَىْ

يـا مليكـتى .. الطــاووس لِسّــاه على العَرش المَـلِكْ

الطــاووس لِسّـاه بيُحــكُمْ يـا حبيـبتى و يمتـِـلـِكْ

و ان داريـتى عـن عـيــونِك ، جُــوّهَ مِنـِّـك ح تلاقيه

جُــوَّه دَمِّـك .. جُـوَّه لونِـك .. جُـوَّه قلبـِك ح تشـوفيه

حُبُّـه غـالى مِن غلاوتِـك .. وِفْ غلاوتِـك عنـدى مين ؟!

طَعـمُه بلسَــم مِن حـلاوتِــك مهـما كان مُـرّ السـنين

ليـه يضيـع حُكْمِـكْ لقلبى ؟، و الاّ حُكمــى ليــه يزول

مهمـــا كــان المسـتخبّى مِ الليـــالى و العـزول ؟!

مملكتنـا عايشــه فِيَّــه .. جنـَّـه فــوق كل الممـالِك

فيـها بالقــاكى الوفِيَّــه .. إللى شــاغلانى بجمـــالِك

و افـتِـكِر عَهــد الأحِبَّـه .. إن عرشِـك لِيَّــه بـــاقى

و اوفى بالـروح و المحَبَّــه و اوصِـلِ الشـوق بالتــلاقى

و القـَى نَفسـى يـا حبيبـتى فــى اللُقــا أو فِ الضَـنى

المَـلِـكْ و انــتى مليـكـتـى جُـوَّه مملكـتـى .. أنــا