خلاص علمنى خلاص
ازاى اغدر وابيع قبل ما اضيع
ازاى يموت الخير وينطفى الاحساس
دور جمبك مين بيحبك
غير اهلك ما تلاقى حنان
وصاحبك اللى فديته بعمرك
وافتكرته فى يوم انسان
باعك خانك طفى شموعك
سابك وسط قساك ودموعك
عرفت يا صاحبى ان الطيب
مبقاش ليه فى الدنيا مكان
كلو بيجرى ورا مصلحته
مش مهم يدوس على غيره
لا بيسأل راح ايه هيجراله
ولا بيفكر يوم فى مصيره
فاكر ان بماله هيقدر
يشترى يوم قسمته ونصيبه
وناسى ان الدنيا هتغدر
وبكرة هتقسى ومش هتسيبه
دنيا غريبة وفيها ياما
فيها اللى ياخدك للندامة
وكأننا عايشين فى غابة
غابة الكبير ياكل الصغير
غابة الضعيف عمره قصير
وازاى يا صاحبى تعيش ملاك
وسط وحوش فاكرة نفسها بشر
