عاشق
بالعشق هاابدا كلامى
بالعشق برضه انهيه
انتى اللى كلك غرامى
وغرامى ايه معانيه ..
غير ان عشقك حياتى
وحياتى تسوى ايــه
انتى اللى دربتى قلبى
وانتى اللى ساكنه فيه
يامصر انتى الحقيقه
وانتى العيون البريئه
وانتى الطهاره النديه
وانتى الشباب العفيه
وانتى الحدود الابيه
يامصر انتى اللى ليه
من غيرك اعشق فيه
ياعشق ياعشق الفؤاد
ياغنوه زواد وزاد
بالعشق هاابدا كلامى
ياصحوى برضه ومنامى
يافجر بكره اللى جاى
طول عمرى عاشق ترابك
وامسح برمشى فى كتابك
واقطع ايدين اللى عابك
لو عمرى هايروح فيه
لو سهمه فات جوه قلبى..
وتعيشى انتى تداويه
بالعشق هاابدا كلامى
عاشق وعاشق وعاشق
بالعشق برضه انهيه
