(( فــــــــــارس بلا فرس ))
رساله من زوجة إلي زوجها عامل التراحيل
المسااااااااافر
~.~.~.~
( باللهجة الصعيديه )
~.~.~.~
يافايتنى ف ليل قاســــــــى ..
غريبه في عزوتى وناسى
؟!
حداك كان القمر جارى ..
وكنت في ليلى ونّاسى
بقيت بعدك
(كاشجرايه بلا ضلـّـه)
بقيت بعدك
عليلة بتلت ميت علـّه
ويوصلنى جواب منك تقول لى يا
(ورده يا فلـّـه)
؟؟؟
أنا بعـــــــدك
(ماورداشـــــــى)
وع الفرقه
ما قادراشــــى
أنا بعـــدك يا أبو عيالى بقيت
(واقفه ف ليل ماشى)
!!!
مانيش قادره
(أكـون أنـــــــت)
و
(أكـون آنـى)
ووقتين يسألوا عنك أحس
(الآآآآآآآآآآآهه)
عصـيانــى
أخبيها ف حشا قلبي
ألاقى دموووووعى
كاسيانى
(مفارقنا عشان تكسينا وقت العيـــــــــــــد)
؟
و
(مين يكسينـــــــــــــــــا طول العام)
؟!!
( عرااااااايا يا راجلى وانت بعيــــــــــــــد )
وكيف نتغطى بالأوهام
؟!!
عراااايا لو كاستنا حريـــــر
؟!
ماهوش توبنا ) ورافضينه)
؟؟؟
حداك كان الهنا قناطير
( وخيشك )
كنـّــــا
حامدينه
!!!
دى لمتنا حداك وانت في وسطينا
(مفيــش حاجـه تعوضهــا)
يقول الواد :
أبويا إمتي حايجينا ..
وألاقى الـــبت بتعيدهـــــــا
أقول للولد أبوكم جــــــــى بعـــد
يومين
يقولوووا خلاص
( فلقتينــــــــا )
بقالك ع الكلام ده
سـنيـــــــــــن
؟!!
ألم دموعى ف الطرحه
و
(أحس بكبدى مشقوقـــه)
تغيب من دنيتى الفرحـه
و
( احس بإنى محقوقــــه)
؟!!!
(إيوه آنى اللى محقوقـه يا أبـو عيااااااااااالى)
ماانا اللى
(بصبرى علمتك بإن الحمل راس مالى)
وإنى
(بتلت ميت راجل وإيه يعنى آمّا تهجرنى)
أتارى
(بصبرى علمتك)
مع
الأياااااااااااام
تهمّلنــــــــى
؟!!
.........
وتعالى شوف ياابو العيال
الحاله بعدك
عامله ايـه
فكرت أقول لك
ماتسافرش ..
تهّد دارنا
باللى فيــه
أصل السفر لما بياجى
الخلق تجرى تروح
عليـه
وأنت السفر لما ياجيك
تقلب عالينا فوق
واطيـه
؟!
ـــ
فكرت أقول لك
ماتسافرش ..
تقوم تقولى :
وكــّلينـا
؟!!
وياللا قومى وانهضى
واصرفى انتي
علينـــا
!!!
واسمع حديت منك كتير
يزود الهمّ اللى
فينـــا
؟؟؟
ومشيت .. وسيبت العيال
وانا وسطهم قاعده
حزينه
___
والعالم الله ..
إيه جرااااالنا بعـد سفـرك
النوبه دى
؟؟؟
الوّلد
(( محروس الكبير ))
اللى بيه كدنـا
الأعــادى
!!!
يسهر ليلاااااااتى
ماعارفه وين ؟؟؟
ويعود ونورالفجر
بادى
؟!!!
فكـرت أجيب لــه ..
((راس كبيره ))
تبقـى ..
هادى
؟؟؟
قلت أروح ..
(( لأخوك محمد ))
ردوا قالوووووووا :
محمد ســافر
؟!
قلت أروح ..
(( لأخوى حسين ))
ردوا قالووووووا :
حسين مهاجر
؟!
طيب ..
(( لخالي محمدين ))
قاللوووووا :
توك ع الطريق
لساه مغاااااااادر
!!!!!!!
وشافونى
(بلطم ع الخدود)
قالوووووووووووووا :
عيــــــب
؟؟؟!!!
دا اللـــى ع يلطــم يبقــى
كافـــــر
؟!!!!!!!
ــــــــــ
كل الرجااااااااااال
فاتووووووا
البلد
؟!!!
طــب أروح لمــــين
؟؟؟
وماعدش فاضل :
غير عواجيز البلـد
والناســوين
والولـّد ضاع منى يا بوووووووى
خايفاه يروح
(للمدمنين)
ولاّ ألتقيه
متصاب بـداء
يشبه
(الإيـدز اللــعين)
ولاّ ألتقيه
(إرهابــى)
عــــاااااااااااار
ع المسلميـن
ـــ
كــل الرجاااااااال فاتوووووووا البلد
طـــب أروح لميـن
؟؟؟
وأنـا راقـده كـيف:
(البطـّــه)
فـوق
لـبنيتين
؟!!!
خايفه عليهم م الزمــن
غدر الزمن
واعـر
وشين
؟!!!
ـــ
باعته ليك ..
(أخــر جـواب)
زى رنـــة
الجرررررررررررس
!!!
باعته ليك أخر كلام
قبل صوتى
مـايتخــــرس
!!!
(ولـّـــدك فــــــــــــــرس)
(عرضـــك فــــــــــــرس)
((والكـــــل محتــــاااااااااااج يتحـــــرس))
وإزااااااااااااى
يــا راجلـى
حاتبقـى
:
(( فــــــــــــــــــارس ))
؟؟؟
وانت
:
(( همّلت الفـــــــــرس ))
!!!!!!
!!!!
!!!
!!
!*********
شاعرة الشعب / زينات القليوبي
من ديوان :
(( أم أحمد المصرية ورئيس الجمهورية ))
