اهلا بكم في سلسلة تعلم لقد وعدت اصدقائي بان اقوم بشرح ما تم ذكره في اخر درس وكان يتعلق بالمعالج ولكن كان به شيئ من التفصيل

تعالو نتكلم بشكل بسيط عن المعالج

التردد

GHz

وانت بتشتري جهاز كمبيوتر تسمع حد يقولك المعالج دا او خلينا تكلم انجليش او بلغة السوق البروسيسور دا (processor) سرعته 1 جيجا هيرتز 1GHz

طب يعني ايه الكلام دا بشكل بسيط جدا دا معناه ان المعالج دا سرعته واحد جيجا هيرتز يعني سرعة معالجته للأوامر وتنفيذها في الثانية الواحدة تساوي    1000000000 اي  1000000000  نبضة في الثانية الواحدة او بعني اخر هذا يعني سرعة تبادل المعلومات داخل المعالج نفسه وبين وحداته التي ذكرناها من قبل

الحاجة التانية

BUS

حاجة اسمها الباص bus  يقولك المعالج دا الباص بتاعة 133 طب يعني ايه

بشكل بسيط الباص عبارة عن الممرات التى تمر فيها البيانات من المعالج الي شريحة تسمي الساوث بريدج

مش مهم سيبك من كل دا انا هديك مثال يوضح

لو افترضنا ان فيه خزام مياه كبير حجمه كبير جدا وعايزين ناخد منه كمية مياه الى خزان اخر اصغر في الحجم ايه رأيكم ايهما اسرع خرطوم يصل بين الخزان الاول والثاني قطره نص بوصه ولا واحد اخر قطره 5 بوصة اكيد النقل هيكون اسرع لو استخدمت خرطوم قطره اكبر

اهو الخرطوم دا هوا الباص اي الممر الي بتمشي فيه البيانات

علشان كدا لما تيجي تشتري معالج هات الي الهرتز بتاعه عالي وفي نفس الوقت يكون الباص بتاعه عالي