بعيونك حزن يعقوب
يا صبرك صبر ايوب
ألف يا حيف يا وسفة
تمشي الدنيه بالمكلوب
يلحسنك حسن جتال
وعيونك تفك مصلوب
يا نسمة صبح ومطرزه بقداح
يا بسمه او ترد الحيل للمتعوب
يا هيل او عطر ريحان
يا بلسم يداوي هموم كل مكروب
ما عندك ذنب لا صوج
من الله الحسن والناس كلها ذنوب
من نورك شمسنه تغار
من كبل العصر وتكول صار غروب
تجر اذيال خيبتها
تركض ركضة المغلوب
جيتك اسألك ع الحال
وحدك والكلب مصيوب
كلي المدمن اعله الشوك
هم بيها مجال يتوب
ساكت سكتة الخرسان
ما تدري اشتكول اليوم للمحبوب
لو تكضي العمر لجمات
تايه والعقل مسلوب
لو تقنع تراها حظوظ
اكعد وارضه بالمكتوب
بقلمي نهاد الكرخي
