بلا صوت .. !!
=================
عاش يحلم بس ....... و يتخيل
لكن بلا كلام ........... بلا صوت
مؤمن إن الأمل .. كما الشمس
مهما تغيب ...... مش ح تموت
هيمان في حياه .......
هو وحـــده بس اللي عايشـها
فرحان بحاجات ........
هو وحده بس اللي حاسسـها
معاني لمساه ........ ولامسها 
لا شرط فيها ....... ولا مشروط
عاش يرسم ........... ف أماني 
ملهاش مرسا ...... ولا شطوط
مصمم يكمل ........... مشواره 
ويلضم خيوط .......... ف خيوط
عشمان ف النور .........
ومش همه الليالي وعتمتـــها
عمره ما قال مقهور ......
من مرار الدنيــــــا وغباوتـــــها
دايمـــــاً راضي بقسمتـــــــها 
وعايش ساكت .... ف سكوت
================
زياد الإسكندراني