علي وتكبر وحنا من طين.
والكل منا صد لا اقبل خويه..
نفتخر نقول إن على الصد قاوين
وهي علينا في الحقيقة قوية..
ننسا نهايتنا وعلى وين ماشين
وننسى الزمان الي جمعنا سويه
المشكلة ماهي بحاجةل تخمين
ولاهي بعد ياناس صعبة القضيه
دق الرقم كيفك هلافيك وأهلين
وأنا الخوي اللي مزعل خويه..
قله تغيب وصورتك داخل العين
ويبقى لحبك في خفوقي بقيه.
أخوان حنا لو يجري بيننا شين
مانفترق دام المحبة قويه..
خلك قوي لا تحرك الشياطين
قبل الفوات وقبل وقع المنيه..
كلم أخوك بأطيب الهرج واللين
وأعرف جميل الهرج يمسح رديه
هذه هي من الحين ل الحين
لابد بين الناس تحصل خطيه
ومن لايقدر غلطة أحبابه الحين
يقراء حروفي ويعتبرها هديه.
باكر تمر سنين وسنين ؛!!!!!!
والكل يرحل في الدروب المدية
صدقني تندم وأذكر حروف مهيار زين
تندم على خلك إذا غاب ضيه
دنيا غريبه وأكثرالناس ماشين
وكم صاحب والله دفنته بديه
مهيار الليل ...