<!--

<!--<!--<!--

تحت التراب دم الشهيد

فوق التراب ميت ألف إيد

بتشُق ف الرمله الطريق

للميّه والحلم الجديد

حالفين بعهد الله نبات

على كتف كل الناس رايات

وان حتى من غير الألات

ضوافرنا أقوى من الحديد

رح نحفرك أجمل قناه

والميّه تجري سلسبيل

طول ما اعتمادنا ع الاله

ح نعدّي فوق المستحيل

د احنا الفراعنه والنسور

واحنا اللي وسط االضلمه نور

لو كل أرض الخلق بور

على ضفّتك أجمل نخيل

ياسينا يا أرض النعيم

ليكي التاريخ يقف انتباه

فيكي الجبل حضن الكَليم

فيكي القناه زادت قناه

يا جنة الله ف المكان

يا ضحكه فوق خد الزمان

دي الرمله ترنيمة آدان

بتنادي حي على الصلاه

سيد منيرعطيه