بصمه عالورد لو چفوفك تلزمه...
والورد منك يغار ويطلبك تشمه...
يا نبع محبة وطيب وأحلى نسمه...
وهنياله اليلتقي بيك وبحضنك تلمه...
وهنيال الورد لأن بشفتك انت تلثمه...
ومن اشوفك بطرف لساني توگف الچلمة...
وآه وچم آه أكول لأن من شوفتك منحرمه...
وشوكت ترجع العين بشوفتك متنعمه...
ودگتك بگليبي أحلى موسيقى ونغمه...
ويوم التقيتك بس هذا من العمر يتسمه...
وشوفتك صارت حلم كل ساعة احلمه...
والمس چفوفك حييل وحبك بگلبي اضمه...
وبشفايفك بس تحلى الضحكة والبسمه...
يا عمري وأحلى عمر وياك وأحلى قسمه...
واوصيك بگلبي بهيده وياه بالك تلچمه...
تحمل هواي وحياته بلياك سنين ظلمه...
يا حلم العمر وبس انت بالگلب متربع وزلمه...
يوم اللي ما يشوفك بي عينه تعمه...
..............................................................هدير