الشاعر المصري احمد ابراهيم 
فى قصيدة (مجروح )
مجروح سكة سفر 
طال الزمن بيها 
فى عيونى دمعة ندم
هد الألم فيها 
يا سمرة ليكى العجب
كلمه وبحكيها 
مين اللى كان السبب
يكتب معانيها 
انا فيا قلب اتسرق
واهى قصه برويها 
بيكى النصيب ما انكتب
شب الحريق فيها 
صرخ البكى وشتكى 
بين السطور بيها 
عجبي يا ليل مشنقه 
اعدامى ف سكوتك 
احلامى متفرقة
مقتوله ببرودك 
ده الكلمه متوجعه 
صرخت وفين صوتك 
حياتى متجمعه
فوق الخريف فوقك 
وسنيني ومودعه 
قصة عذاب فيها 
موتي مع موتك
موتي مع موتك 
بقلم الشاعر المصري أحمد إبراهيم