دنيا  وفيها  العجب

............................

شوفنا  زمان  فيه  البشر  

ملايكه  بني  آدمين 

والحب  والخير  إنتشر 

ولا  كان  شمال  ويمين 

دلوقتي  قطعوا  اللي  إتوصل 

ونصهم  شياطين   ...

جاحد  يسم  في  أخوه  

بياع  في  أمه  وأبوه  

هد  اللي  كانوا  بانوووه  

حتى  الحنان  ما  لاقوووه 

يتوضأ  بدمع  اللي  إتكسر   

بدمع  أمه  وأبوه   ...

ويصلي  جانبه  ما  إتحسر

ليرضي   فى  اللي  خانوووه  

داس  عالكبير  ما  رحمش  

بكاه  وما  إتأثرش  ..

كل  عيشي  فيه  ما  طمرش

ولا  صانش   فى اللي  جابوووه

قلبه  حجر  صوان  

مش  إبن  ولا  إنسان  

رماني  بعد  أمان  

في  سكه  تايهه 

دارت  عليه  الأيام  

بقى  حاله  عكس  الحال 

كما  تدين  تدان 

واللي  إشتراه  جه  ماااال

 باع  اللي  حيلته  وشاااال  

خلاه  ما  يملك  ماااال 

صعباااان   عليا  ...    

راجع  في  أيده  الدم  

قتل  اللي  خانووه  وسم   

بيبكي  عاللي  إتغم   

ده  ذنبهم   وخدووووه 

ده  ذنب  أمه  وأبوه  

كان  زمان  فيه البشر  

ملايكه  بني  آدمين 

والكل  عايش  عالوفا 

والقلب  صافي  آمين 

لو  حد  فيهم  إنكفا 

يلاقي  1000  يشيل     

دول  كانوا  بني  آدمين 

دنيا  وفيها  العجب 

ومين  يآمن  مين   ..

بقلم  ... صبري رسلان