((شكرا يا صاحبي))
كلمات الشاعر / ياسر عبد الحميد،،،!!!
يا صاحبي ياللي ف دنيتي،، تأمر و تتعاجب
كان نفسي اني اصدقك و أفضل معاك صاحب
كان بينا عهد و خلفته،، و الحق و الله عليك
الله،، يرازيك،، اختفى،، ما بقيتش ليك صاحب
،،،،،،،،،،،،،،،،،،،،،،،،،،،،،،،،
شكرا يا صاحبي و ألف شكر،،
شايل جميلك
مهما تعدي سنين بتجري،،
راح اردهولك
انا ياما ليك كتير حكيت،،
لا عمري خبيت او داريت
اتاريك بايعني و انا اشتريت،،
و خونت عيشي،، ويا ملحي
لميت في جرحى و قولت امشي،،
و عاتبت دنيا،، بهتت ملامحي،،
و انت اللي كنت سبب في جرحى،،
ندمان بأني،،، معاك حكيت،،
شكرا يا صاحبي،،،!!!
شكرا يا صاحبي
و ألف شكر على الندالة
لما انت قولت
انك حبيبي كانت قوالة
و انا كنت بعتبرك اخويا،،
و روحي فيك
أهديك عنيا،، و اكتر شوية
و بخاف عليك
يلعن ماضيك،، الأصل فيك
طبع الندالة
شكرا يا صاحبي
ما بقيتش صاحبي خلاص كفايا
فتحت جرحى،، و كانت معاك،،
أسوأ نهاية
اختارتك انت
و كنت غلطان م البداية
مابقتش تستاهل،، الملام،،
خلاص معاك،، مات الكلام
هابعد و افارقك،، و السلام
ما بقيتش فارقة،، كتير معايا،،
شكرا يا صاحبي،،،!!!
بقلم الشاعر / ياسر عبد الحميد،،!!!
(م _ف ) 2019/4/12
