جارى التحميل
استخدم زر ESC أو رجوع للعودة
أصل الحكاية القوة .... وإحنا اللى حولناها والضعف فى كل شى بقى رمز لنا.
أصل الحكاية الكرامة .... وإحنا اللى هانت علينا ما نصونها وفرطنا فيها بنفسنا
أصل الحكاية الحياة .... وإحنا اللى موتنا الأمل بيأسنا وبظلمنا و قتلنا حلمنا
أصل الحكاية الصحة .... وإحنا اللى جيبنا المرض والتعب والعلل فى جسمنا
أصل الحكاية الحرية .... وإحنا اللى سجنا بتفكيرنا ناسنا وفرحنا وحبايبنا وأهلنا
أصل الحكاية الحب .... وإحنا اللى كرهنا بعض و لعنا وكرهنا أيامنا وعمرنا
أصل الحكاية الفكر .... وإحنا اللى توهنا وتوهانا بعض وبالاخطاء ضللنا عقلنا
أصل الحكاية الرحمة .... وإحنا اللى افترينا ودوسنا على بعض ونسينا رحمة ربنا
أصل الحكاية الثقة .... وإحنا اللى خونا وخوانا أخواتنا وكل ده كان من علمنا
أصل الحكاية المتعة .... وإحنا اللى أتألمنا بهجرنا لأحبابنا ونسيناهم من بعدهم بعدنا
أصل الحكاية السعادة .... وإحنا اللى تعسنا بعضنا بعالم المادة واللى بقى هو فكرنا
أصل الحكاية الأخلاق .... وإحنا اللى ضيعنها ونسينا أنها نعمة وفضل وضيقنا خلقنا
أصل الحكاية الحنان .... وإحنا اللى جفينا على كل محتاج وعلى أبونا وعلى أمنا
أصل الحكاية العفة .... وإحنا اللى العفة كانت فخرنا راحت العفة والطهارة مننا
أصل الحكاية الشرف .... وإحنا اللى هربنا من تاريخنا و فرطنا فى مجدنا و أصلنا
أصل الحكاية الهنا .... وإحنا اللى مشينا عكسى و بدلناه بشقائنا وغيرناه ببؤسنا
أصل الحكاية الإحساس .... وإحنا اللى توهنا وموتنا أحاسيسنا وتبللد جوانا و بفعلنا
أصل الحكاية الضمير .... وإحنا اللى تناسينا يوم حسابنا و يوم يكون نزولنا فى قبرنا
أصل الحكاية المشاعر .... وإحنا اللى قسينا وما فكرنا إلا وجمدنا الحس فى قلبنا
أصل الحكاية العبادة .... وإحنا اللى خلينا الدنيا أكبر همنا وإتحرمنا منها بسوء فعلنا
أصل الحكاية الإخلاص .... وإحنا اللى نسينا إن الفضل فى أنه يكون هو أصل عملنا
أصل الحكاية الجنة .... وإحنا اللى حولناها لغابة ولعذاب و لعناء و لشقاء بجشاعنا
أصل الحكاية العزة .... وإحنا اللى خلينا الهوان بقى سهل علينا وكمان من طبعنا
أصل الحكاية الصلاح .... وإحنا اللى طاوعنا شيطانا و عيشناه معانا فهزمنا وهزنا
أصل الحكاية الحركة .... وإحنا اللى قاعدنا وكسلنا وخوفنا وضيعنا عمرنا ووقتنا
أصل الحكاية الجماعة .... وإحنا اللى أتفرقنا وبعدنا عن أهلنا والكره بقى هو طبعنا
أصل الحكاية الشجاعة .... وإحنا اللى الخوف تعبنا وبعدنا عن حلمنا وهزمنا وشلنا
أصل الحكاية الطاعة .... وإحنا اللى عصينا ربنا ورجعنا نتوب و ندمنا على حظنا
أصل الحكاية الأمل .... وإحنا اللى يأسنا والعياذ بالله وقناتنا من الرحمة فى أمرنا
أصل الحكاية الإنسان .... وإحنا اللى بقينا طمع وغش وكلام وهمنا هوأكلنا وشربنا
أصل الحكاية كلمة طيبة .... وإحنا اللى بكلامنا ورغينا فى سير بعضنا بنزود ذنبنا
أصل الحكاية قلوب طاهرة .... وإحنا اللى طمعنا وقسينا ونسينا الخالق وسودنا قلبنا
أصل الحكاية إن رزقنا على ربنا .... وإحنا اللى أفتكرنا إن إحنا اللى بنكون رزقنا
أصل الحكاية إن أجلنا بأمر ربنا .... وإحنا اللى خوفنا نموت أحسن أخرتنا ما يعلم بيها إلا ربنا
المصدر: استاذ سامح الشواف
ساحة النقاش