خديها  قصيدة واقريها 

 وفكرى فيها كدا ساعتين .....

عشان بالليل حنتقابل 

وتحكيلى بوحى العين .......

ايه اللى قرتيه فى اشعارى 

من الافكار ؟؟؟؟ 

ياترى لقيت البدر ؟ 

ولالقيت شمس نهار ؟ 

ولالقيت جناين ورد 

ولا لقيت هناك انهار ؟

ولالقيت حروف جارحة 

وتعبيرى زى جمر ونار  

لما حشوفك راح اقرا 

لافكارك بنن العين .....

مهم وضحين ومش غمضين 

يقولو حبينا وعشقنا ؟ 

يقولوا كرهنا وبتعبنا ؟

 يقولوا لسة فيك تايهين ؟

يقولوا حتى مش عرفين ؟ 

انا راضى بتعبيرك 

وتفكيرك رصين ورزين 

تقولى الكلمة بحسابها 

ومش زى ناس تانيين 

ولوسألتك نعم أو لا؟ 

انا واثق عيونك 

راح تقول نعمين

فتسلم دى العيون الاتنين 

وتسلم لى ياملاك روحى

وتبقالى سنين وسنين

د.احمد عبد الرحمن