إصرار
الليل اسرار
عتمه وافكار
بتقيد النار
جوه ضلوعى
ينده لنهار
بعتر احلامى
وسط طريق
وزحام وزعيق
ما أنا كنت برئ
اصبحت غريق
وسطك يا ركام
فينك يا رفيق؟!
فينك يا صديق؟!
فينك يا سلام ؟!
بالرغم م النقط
كل الحروف
سقطت وتاهت
ف الكلام !!
***************
وارسم الحلم
الجميل
كل ما ينده نهار
تنكسر احلامى لكن
منحنيش للانكسار
اتروى بالصبر واحلم
لجل ما احلم
حلم احلى
يمحى من حلقى المرار
واتولد انسان واعيش
رغم صوت لانهيار
واقتل الخوف اللى فيا
وابقى سيد للقرار!!
واقتل الخوف اللى فيا
وابقى سيد للقرار!!
****************
شعر/محمد على فرغلى احمد
