اللـي كان عامـل حبيبها
سجــدها لما النــوم غلبها
آتاريه بيلعــب عليـها
آتاريه ناوي يغتصبــها
ونسي انه صاحب خطيبها
فضـل يتغــزل ف حسنها
من خصرها لشعرها
من رمشها لحواجبها
راحـت ف دنيا تانيه
مهو كلامه جميل وعاجبها
وخطيبها لبخه ياعيني
مش هـو ده اللي يناسبها
شويه وفاقت من حلمها
بعد ماخطفـها وقطفـها
بتبكي وضميرها بيأنبها
واللي كان عامل حبيبها
بدأ يهـددها ويحــاربـها
وف كل مكان يطاردها
استولي علي فلوسها ونهبها
اخد كل اللي حيليتها خــربها
وفضلت عايشه تحت رحمته
يطلبها متقدرش ترفض كلمته
واللي كان صوته بيطربها
بقي صوته بيخوفها بيرعبها
البنك رفع قضيه عليها
والقاضي بيسألها بيحاسبها
وبحق اخوتها والبنك بيطالبها
ردو الشهود عليه وقالوا له
دا حلـف انها نـور عينيه
دا حلف انه بيعشقها بيعبدها
دا حلف انه قسمتها ونصبها
دلوقتي بينكر كل اللي بينهم
وبكل جحود بيكدبها
القاضي
لكن القانون مبيحميش مغفلين
كلبشها ياعسكري
وعلي السجن إسحبها
علشان محافظتش علي نفسها
وسلمت له حبل مشنقتها بئيدها
بقلمى// صابر الطوخى
