الجوهرى عبدالله
/ الرك ع النيّه/ (٢)
صياد..
ونزلت بحر الهوى
وصيد السمك غيّه
القصد مياس
طلعتلى..بلطيّه
فى ايدها
سهم وقوس
ف عينيها..حنيّه
تقتل الف..ومِيّه
لمّا رميت الشبك
اصطادتنى..هي
بنت ولا كل البنات
دمها شربات
بطعم السكر النبات
حواليها قصص
وحكايات..
اللى غاوى غناوى
واللى بينقط بالطاقيه
وهي..
سده ودانها..
عن الملاغيه
والعبد الفقير اعاديك
ف الغيره مايوريك
نار تشعلل فيك
وساعتها..مين يطفيك
ولا الف حنفيّه
لكن بقى المكتوب
غالب عليك..وعليّه
نصيبى فى بنّيّه
متمسكه بيه
ف البحر حوريه
ع البر انسيّه
بنوته تساوى مِيّه
محظوظ..انا محظوظ
والرك ع النيّه
جوهريات
