(فجر تانى)
خواطر/ عمادالدين العيطة
ياليل مسجون جواك سكون
وبيدارى غدر نهاره
ياحرف فى سطورى مدارى
حزن كلامه
يافرحة هجرت عيونى
سافرت وجفت ..
حلفت ماترجع قبل مطلع فجر تانى
والفجرتايه من زمان .. عن مكانه
عايز أخبى زى ليلى وزى حرفى
عايز أخبى جوه قلبى وأدارى وأخفى
حسرتى وكسرتى وأنا فى إنتظاره
وقلبى طير مكسور محسور على أغصانه
قلبى تايه ف البحور
وحنينى مش لاقى زمانه ولامكانه
وف منامه حاضن جراح السنين
كاتب على داره
لايوم إرتاح ياعين ولاإنطفت ناره
عمادالدين العيطة
