هحكي حكاية الغزال
اللي بيخطف العيون
اللي فيه السحر ساكن
واللي يسبب الجنون
اللي يشبه القمر
في ليل بينعم بالسكون
ع الخدود الورد أحمر
بس تشوفه بألف لون
كنت خالي وقلبي خالي
الحب شيئ معرفتهوش
اسمع عنه كتير حكاوي
بس فين ما شفتهوش
اللي يحكي واللي يكتب
كنت اقول ما تحلموش
الحب كدبه بإسم كلمه
وكنت اقول ما تصدقوش
ماكنتش اعرف اني هحلم
وأوصف عيون ما بيرحموش
ولا كنت اعرف اني هسهر
ارسم خدود وارسم رموش
من هنا هبدأ حكايتي
وهقول حكاية الغزال
لما عيني جات في عينه
وروحت عالم الخيال
ما عرفش ايه اللي ف عينيه
ما قدرتش أوصف الجمال
دقيت ياقلبي بسرعه ليه
واصبحت ليه بالف حال
ده حب ولا عشق ولا
ولا سحر في الغزال
قال عشقت وانشغلت
روح وطالب بالوصال
