إسكندراني أنا
وعشقت كل جميل
في البحر رامي الشبك
صياد.ومصري أصيل
كلمت كل السمك
وكتبت فيه موواويل
إسكندراني أنا
وعشقت كل جميل
صاحبت موج البحر
والبحر يبقى خليل
على شطه رسمت حبيبي
مع موجه سهرنا الليل
نحكيلو عن أحلامنا
يبعت لنا المراسيل
مع كل نسمة بعتها
وصفه لكل عليل
وإسكندراني أنا
وعشقت كل جميل
يا إسكندريه جمالك
عدا الحدود بحدود
من بحري للأنفوشي
للقلعه لبير مسعود.
يا إسكندريه جمالك
خطى الحدود بكتير
يا نجمة الساحل
فارده الجناح بتطير
من العجمي للمندره
وتطلي على ابوقير
وإسكندراني أنا
وعشقت كل جميل
علاء رجب
